പെണ്ണുങ്ങളു പോണ വഴിയിലിങ്ങനെ
അണ്ടിയും തൂക്കി നില്‍ക്കാന്‍...
പണ്ടൊരു കവി പാടിയതിനെ ആവര്‍ത്തിച്ചു പാടുന്നു ബ്ലോഗിലും ബസ്സിലുമൊക്കെ ചിലര്‍, കശുമാവിനോടല്ല അഞ്ചരണ്ടി സുമാരന്‍ തമ്പ്രാനോട്. ഒരാളെയിങ്ങനെ അധിക്ഷേപിക്കുന്നതിനോട് കിളിയെതിരാണ്. നിലപാടുകള്‍ വികാരങ്ങള്‍ക്കടിപ്പെട്ടുകൊണ്ടാകേണ്ടതില്ലെന്നും, ഏതെതിര്‍പ്പിനു മുന്നിലും നട്ടെല്ലു നിവര്‍ന്നു നിന്ന് അത് പ്രകടിപ്പിക്കണമെന്നും കിളി ഗോര ഗോരം ഗര്‍ജ്ജിക്കുന്നു.
അങ്ങിനെയാണേല്‍ ചേട്ടന്റെ വീട്ടിലെ ചെടികളില്‍ എന്‍ഡോ സല്‍ഫാന്‍ കൊണ്ടുപോയി തെളിയെന്ന ബാലിശമായ കമന്റിന് ഇന്ത്യയെ മൊത്തം ബാധിക്കുന്ന പ്രശ്നത്തെ ഒരു കുടുംബത്തിലേക്കൊതുക്കല്ലേ എന്ന മറുപടികൊണ്ട് തളച്ചിട്ടതിലെ സന്തോഷം എങ്ങിനെ പ്രകടിപ്പിച്ചാലാണ് മതിയാവുക എന്ന് കിളിക്കു തിട്ടമില്ല. കിളി ഓര്‍ത്തു പോകുകയാണ്... പ്രശംസിച്ചു പോകയാണ് മേലേ ശ്ലോകകാരനെ. പരസ്യമായി അങ്ങേരെങ്ങാനും വെല്ലുവിളി ഏറ്റെടുത്ത് ആരും എന്‍ഡോസല്‍ഫാനെ അത്രമേല്‍ ഭയപ്പെടേണ്ടതില്ലെന്നും, നാളെമുതല്‍ ഞാന്‍ പരസ്യമായി എന്റെ ചെടികളില്‍ ഇതു തെളിക്കാന്‍ പോവുകയാണെന്നു, സാക്ഷാല്‍ഗാന്ധിയെപ്പോലെ എന്റെ ജീവിതമാണ് എന്റെ സന്ദേശമെന്നുമൊക്കെ തട്ടിവിട്ടാല്‍ കിളി കുടുങ്ങിപ്പോയേനെ, ഒരു പോസ്റ്റിടാന്‍ വേറെ...
അല്ലേലും, കേരളത്തിലെ ഒരേ ഒരു ഗാന്ധിയന്‍ ഇരകളുടെ പക്ഷത്തു നിലയുറപ്പിക്കുക, ച്ഛേയ്... അപ്പ മുതലാളിമാരെന്തു ചെയ്യും
പാലക്കാട്ടു നിന്നെത്തിയ ക്ഷീരകര്‍ഷകരുമായി നടത്തിയ അഭിമുഖത്തില്‍ അവര്‍ എന്‍ഡോസള്‍ഫാന്റെ ഗുണഗണങ്ങളെക്കുറിച്ചു വര്‍ണ്ണിച്ചതു കേട്ട് ഇങ്ങേര്‍ കോള്‍മയിര്‍ കൊണ്ടെന്നെഴുതിയതു വായിച്ചപ്പോള്‍ അറിയാതെ കിളിക്കും കോള്‍...
എന്തെരായാലും സുഹൃത്തുക്കളേ വല്ല്യ നിലപാടുള്ളവരെ അതിനു തക്ക ബഹുമാനം കൊടുത്ത് വേണം നാമൊക്കെ കൈകാര്യം ചെയ്യാന്‍. നാളെ സുധീരന്റെ സീറ്റിലോട്ടെങ്ങാന്‍ കയറിയിരുന്ന് വല്ല കേന്ദ്രോനും ആയാല്‍ കുടുമ്മത്തുകയറി എന്‍ഡോസള്‍ഫാന്‍ തളിക്കാതിരിക്കാനെങ്കിലും....
